விலை போகுமோ வாலிபம்?
கோழை யென்றாய்
கொள்கை யற்ற -
ஆண்மை யென்றாய்!
கல்யாணச் சந்தையிலே
விலை போகும் - நவயுக
காளை யென்றாய்;
ஏழை நான்.....
என் செய்வேன்!
பெட்டியிலே..... பணம்
இருந்தால்தானே....
அட்டியலாய் - உன்
சங்குக் கழுத்தில் -
கட்டி விடலாம்....
பொற்றாலியை!
பத்துப் பவுணில்
பத்தரை மாற்றுத் தங்கத்தில்
பாவையுன் - காறை
எலும்பு மறைந்திடவே
போடவில்லை....
நகை யென்றால்.....
பொறுத்திடுவாயோ - இந்த
பொல்லாத உலகத்திலே!
அடங்காத - உன்
ஆசைத் தீக்கு -
பல மடங்காய்
தீனி போடத்தானே....
கேட்கிறோம் - சீதனமே !
*****
* இக்கவிதைக்கு எதிர்க்கவிதைகளை உங்களிடம் எதிர்பார்க்கிறோம்.
*அனுப்பிவைக்கப்படும் கவிதைகள் இக்கவிதையின் கீழ் பிரசுரமாகும்.
*அனுப்பி வைக்கவேண்டிய மின்னஞ்சல் முகவரி sirajmohamed21@gmail.com
