Saturday, September 27, 2014

4 ஆண்டு சிறையுடன் ஜெயிலுக்கு செல்லும் ஜெயலலிதா!



அடுக்கு மேல் அடுக்காக தண்டனை வந்த வண்ணம் உள்ளது ஜெயலலிதாவுக்கு!

- 4 ஆண்டுகள் சிறை
-100 கோடி அபராதம்
- ஜாமீன் இல்லை
-உடன் ஜெயிலுக்கு செல்ல வேண்டும்
-10 ஆண்டுகளுக்கு தேர்தலில் போட்டியிட முடியாது
-சசிகலா உட்பட 3 பேருக்கும் 4ஆண்டுகள் சிறையுடன் 10 கோடி அபராதம்
-தமிழகம் முழுவதும் வன்முறை வெடிப்பு
-தற்போது மருத்துவ பரிசோதனை நடைபெறுகிறது ஜெயலலிதாவுக்கு
-கூடவே தமிழக அமைச்சர்களும் பதவியிழப்பதால் ஒரு சில நாட்களில் புது முதலமைச்சருடன் அமைச்சர்களும் பதவியேற்பர்.
-தற்போது ஜெயலலிதா உட்பட நால்வரும் ஜெயிலில் அடைக்கப்பட்டதாக தகவல்
-தீர்ப்பு கூறப்பட்டபோது ஜெயலலிதா மயக்கமுற்று கீழே விழுந்ததாக தகவல்





ஜெயிலுக்கு செல்கிறார் ஜெயலலிதா!


18 ஆண்டுகாலமாக தமிழக முதல்வர் ஜெ.ஜெயலலிதா அவர்கள் மீதான சொத்துக்குவிப்பு வழக்கின் தீர்ப்பு சற்று முன் வழங்கப்பட்டுள்ளது!

தமிழக முதல்வர் ஜெயயலிதா உட்பட சசிகலா,இளவரசி,சுதாகரன் ஆகியோர் குற்றவாளிகள் என அறிவிக்கப்பட்டுள்ளனர். இதன்மூலம் ஜெயலலிதா தனது முதலமைச்சர் பதவியை இழக்கிறார். கூடவே சிறைத்தண்டனை பற்றிய தீர்ப்பு சற்று நேரத்திற்குப் பின் வெளியிடப்படும்.

இத்தீர்ப்பானது இதுவரை காலமும் இருந்த இலங்கையுடனான தமிழக உறவில் மாற்றம் ஏற்படலாம் என எதிர்பார்க்கப்படுகிறது!




Sunday, September 21, 2014

புள்ளிக்குள்ளே புதையல்!

                               

                                                               கல்விப் பாதையில்;
                                                               கனதூரம் நடந்து வந்த -
                                                               என் கால்கள் களைத்து
                                                               பாதையின் ஓரமாய் நின்று -
                                                               ஓய்வு பெறும் வேளையிலே....
                                                               ஒருதரம் திரும்பிப் பார்க்கிறேன்!

                                                               தொலைவி லொரு புள்ளி
                                                               தெளிவாய்த் தெரிகிறது!

                                                               எங்கள் கிராமத்துப் பள்ளி
                                                               கல்விப் பாதையில் கண்ட
                                                               முதற்புள்ளி அது!

                                                               ஆயிரத்துத் தொளாயிரத்து
                                                               நாற்பத் தாறிலே....
                                                               பொத்துவிலின் சொத்தாக -
                                                               பிறந்து வந்த....
                                                               ஆணிமுத்து அது!

                                                               'காட்டூர்' என்றவரின் -
                                                               கர்வ வாயடைக்க....
                                                               கைகண்ட மருந்தாய்
                                                               முளைத்து வந்த
                                                               முதல் வித்து அது!



                                                               நாங்க ளெல்லாம் -
                                                               கல்வி பயிலும் காலத்தே
                                                               நல்லுதாரணமாய்
                                                               போதிக்கப்பட்ட தெல்லாம்
                                                               அந்தத் திருவுருவத்தின்
                                                               திருநாமந்தானே!

                                                               இலங்கை யிலிருந்து....
                                                               இங்கிலாந்து வரை
                                                               கல்விப் பாதையின் நீளத்தை
                                                               கச்சிதமாய் அளந்த -
                                                               சாதனையாளனின்
                                                               சாந்த உருவமது!



                                                               1967 இலே....
                                                               மருத்துவத்துறை மாணவனாக
                                                               கொழும்புப் பல்கலைக் கழகத்துள்
                                                               நுழைந்து....

                                                               1972 இலே....
                                                               டொக்டராகப் பதவியேற்று;
                                                               பல வருடங்கள் பணியாற்றி
                                                               மருத்துவ உலகின்
                                                               பரந்த வான் வெளியில்
                                                               பறந்து திரிந்து
                                                               பட்டங்கள் வென்று....

                                                               இலங்கை
                                                               முஸ்லிம்கள் வரலாற்றில்
                                                               முதலாவது
                                                               'சிறு பிள்ளை மருத்துவராக'
                                                               சிறந்து விளங்கிய
                                                                மாமனிதனின் - சிறுபிள்ளைப் பருவந்தான்
                                                                ஒரு புள்ளியாய் எனக்கு தெரிகிறது!

                                                                பிணியாளர் மனங் குளிர
                                                                மருத்துவப் பணிகள் புரிந்து
                                                                பிறந்த பயனை அடைந்த
                                                                பெரு மகனின் திருவுருவமது
                                                                ஒரு புள்ளியாய் தெரிகிறது!

                                                                இலவச வைத்திய சேவையிலே
                                                                இறைபணி கண்டு -
                                                                தருமத்தின் வழியில் நடந்து வந்த
                                                                திருவுருவம் தெரிகிறது!



                                                                சாந்த குணம் சுமந்து
                                                                சந்தனமாய் மணந் தந்து
                                                                சரித்திரமாய் உயர்ந்து நிற்கும்
                                                                 மா மனிதனின் புதுமாதிரியது!

                                                                 சவூதி அரேபியாவின்
                                                                 றியாத் நகரில்
                                                                 பதினைந்தாண்டுகள்
                                                                 இலவச வைத்திய சேவை செய்து

                                                                 அரபு நாட்டு - அரச குடும்பத்தின்
                                                                 அரண்மனை வைத்தியனாக வுமிருந்து
                                                                 அரச வாரிசுகளுக்கு
                                                                 ஆரோக்கியப் பணி புரிந்து -
                                                                 மனங் கவர்ந்த சேவையாளனின்
                                                                 பால பருவந்தான் - அங்கே
                                                                 ஒரு புள்ளியாய்த் தோன்றியது!


                                                                 ஆங்கிலேயர் ஆட்சியின்
                                                                 அந்திம காலத்திலே.... எங்களூரின்
                                                                 விதானையாராய் வீற்றிருந்த
                                                                 மீராலெவ்வை மரைக்காரின்
                                                                 தவப் புதல்வனாம்....
                                                                'முகம்மது சஹீத்' அவர்களின்
                                                                 நிழற் படந்தான் அது!

                                                                 1973 இலே....
                                                                 நிந்தவூரின் மணமகனாக.... முன்னாள்
                                                                 நிதியமைச்சர் முஸ்தபாவின் மருமகனாக....
                                                                 அவரது மகள் நஸீராவை
                                                                 வாழ்க்கைத் துணைவியாய் ஏற்ற
                                                                 திருமகனின் திருவுருவமது!



                                                                 பள்ளி வாயல்களுக்கும்;
                                                                 கல்வி பயிலும் -
                                                                 வறிய மாணவர்க்கும்;
                                                                 வாழ்விழந்த விதவைத் -
                                                                 தாய்மாருக்கும்....

                                                                 மேலும் ஏழை எளியவர்க்கும்
                                                                 நலவை நல்கிடும் -
                                                                 நன்கொடைக் கரமுடைய
                                                                 நல்ல மனித உருவமது!

                                                                'பிறர் நலம் பேணும் பணி;
                                                                இறையருள் பெறும்வழி' யென
                                                                இரகசியக் கொடையாளியாய் வாழும்
                                                                டொக்டர் சஹீத்
                                                                என்றும் எங்கள் 'இதயக்கனி'

                                                                இன்றும் இலண்டன் -
                                                                மாநகரில் வைத்திய சேவையில்
                                                                நன்றே வாழும்
                                                                இவர் இயல்பே
                                                                என்றும் தனி!

                                                                இறையருள் இவர்பெற
                                                                இறைஞ்சுகிறது; எனது மனம்!

                                                                             * * *

Monday, September 15, 2014

பொத்துவிலில் புதிய பல்கலை மாணவர்களுக்கு பாராட்டு!


                          
                          பொத்துவிலில் இருந்து இவ்வருடம் பல்கலைக்கழகம் மற்றும் ஆசிரியர் கல்விக் கல்லூரிக்கு தெரிவு செய்யப்பட்ட மாணவர்களுக்கான பாராட்டுவிழாவும் எதிர்கால பொத்துவில் கல்வி வளர்ச்சி பற்றிய கலந்துரையாடல் நிகழ்வும் நேற்று(2014-09-14) திங்கட்கிழமை பொத்துவில் YAKEEN EDUCATIONAL SOCIETY இன் ஏற்பாட்டில் நடைபெற்றது.

இந்நிகழ்வில் பொத்துவிலின் மதிப்பிக்குரிய பெரியோர், கற்றோர் கலந்து கொண்டு தங்களுடைய கருத்துக்களை பகிர்ந்து கொண்டனர்.

உயர்தரப் பிரிவின் விஞ்ஞானப் பாடத்தில் கல்வி பயில்வதற்கு மற்றும் கல்வி பயிலும் மாணவர்களுகக்கு  ஊக்கமளிப்பதை பிரதான நோக்கமாகக் கொண்டு செயற்படும் இந்த நிறுவகம் ஆங்கில பாடத்தில் திறமை குன்றிய மாணவர்களுக்கான பயிற்சி வகுப்புகளையும் நடாத்தி வருகின்றமை குறிப்பிடத்தக்கது.






 




   

பொத்துவில் விவசாயிகள் பொதுக்கூட்டத்தில் அமளிதுமளி!

              
                     பொத்துவில் பிரைன்துறைக்கண்ட விவசாயக்குழுவின் பொதுக்கூட்டம் பொத்துவில் அல் - இர்பான் மகளிர் வித்தியாலத்தில் நேற்று(14-09-2014 திங்கள்)   நடைபெற்றது.
புதிய நிர்வாகிகள் தெரிவின் போது கடந்த வருடங்களில் இருந்தவர்கள் மீளவும் தெரிவுசெய்யப்படாததால் கூட்டம் முடிவடைந்து வெளியேரும் தறுவாயில்  சீற்றம் கொண்ட 'குதிரை அணியினர்' சீறிப்பாய்ந்தனர்; அடிதடியில் இறங்கி அதிரடி தாக்குதல் நடத்தினர்!
அதனால் கமநல சேவை உத்தியோகத்தர் படுகாயம்; கிராம சேவை நிலதாரி உட்பட பலர் ஆசுபத்திரியில்!
நீதி கிடைக்குமா என்ற அங்கலாய்ப்பில் பொதுமக்கள்!

Thursday, September 11, 2014

திறம்பட நடைவுற்றது 

          'திரும்பிப் பார்க்கிறேன்' நூல் வெளியீட்டு விழா!



               மாஸ்டர் ஏ.எல்.ஏ.முகம்மத் அவர்களின் 'திரும்பிப் பார்க்கிறேன்' நூல் வெளியீட்டு விழா கடந்த 08 ம் திகதி திங்களன்று பொத்துவிலில் 'கல்விச் சேவைகள் கலா மன்றத்தின்' தலைமையின் கீழ் நடைபெற்றது.

நிகழ்வுகள் முன்னாள் அதிபர் எம்.சி.எம். சம்சுதீன் அவர்களின் தலைமையில் நடைபெற கருத்துரை, இலங்கை ஜனநாயக ஆசிரியர் சங்கத்தலைவர் அல்ஹாஜ் ஏ.பி. கமால்தீன் அவர்களால் வழங்கப்பட்டது.

மேலும் ஏ.ஏ. தாரிக் அஸீஸ் அவர்களால் சிறப்புரை நிகழ்த்தப்பட அதைத் தொடர்ந்து நூல் ஆய்வுரை எஸ்.எம்.எம். முஷர்ரப் அவர்களினால் வழங்கப்பட்டது.

நூலாசிரியர் தனது ஏற்புரை நிகழ்வில் பேசும் போது, 

                                   "என்னைப் பொருத்தவரையில் இந்நூல் ஓர் பிரியாவிடை நூல். நான் ஆசிரிய சேவையில் 33 வருடங்களுக்கு மேலிருந்து, உங்களிடமிருந்து பிரியாவிடை பெறத்தானே வேண்டும். அதற்கு எனக்கொரு சந்தர்ப்பம் கிடைக்கவில்லை. அதனால் இந்நூலை என் பிரியாவிடைப் பரிசாக உங்களுக்கு கையளிக்கிறேன்"  என்று கூறினார்.

நுலாசியிருடன் றிபாய் சேர்,சலீம் சேர் 

டொக்டர் ரஸீம் மற்றும் சலீம் ஆசிரியருடன் நூலாசிரியர்








Wednesday, September 3, 2014

'திரும்பிப் பார்க்கிறேன்!'