இடுகைகளுக்கான உங்களது கருத்துக்கள் எங்கள் வளர்ச்சிக்கு தீனிபோடும்....

உங்களது கருத்துக்களை நாங்கள் பெரிதும் எதிர்பார்க்கிறோம் என்பதை  மறவாதீர்கள்!

     எங்கள் தலைவர்கள்?       

                                                         

                                                        பேரினவாதக் கட்சிகளின்
                                                        பிடியிலிருந்து பிரிந்து வந்து
                                                        தனிக்கட்சி அமைத்தீர்கள்!

                                                        இனத்தின் அபிலாஷைகளை
                                                        வென்றெடுக்க வந்த -
                                                        போராளிகள் என்றீர்கள்!

                                                        இனத்தை அடகு வைத்து
                                                        அரச ஆசனங்களை அடைந்து
                                                        உங்கள் சுகத்தைக் காத்தீர்கள்!

                                                        அறிக்கைகளால் 

                                                        தலைமைக் கதிரைகளை
                                                        அலங்காரம் செய்தீர்கள்!

                                                        மறைந்த தலைவரின்
                                                        திருநாமத்தை -
                                                        தாரக மந்திரமாய் ஓதி....
                                                        மக்களை மயக்கினீர்கள்!

                                                        ஒற்றுமை ஒன்றையே
                                                        நித்தமும் செப்பிய நீங்கள்....
                                                        வேற்றுமைகளையே
                                                        அறுவடை செய்தீர்கள்!

                                                       'தனித்துவக் கட்சி' என்றீர்கள்
                                                       'இறை வேதமே  -
                                                        எங்கள் யாப்பு' என்றீர்கள்!
                                                        இன்றோ....
                                                        ஆளுக்கொரு கட்சியில்
                                                        தனித் தனியே நிற்கிறீர்கள்!!

                                                        வாக்குப் போட்டோம்;
                                                        உங்கள் வாக்குகளை நம்பி!
                                                        வந்து விட்டீர்கள்;
                                                        ஊருக்கொரு எம்.பி!

                                                        வென்று விட்டீர்களா?
                                                        எங்கள் அபிலாஷைகளை!!
 
                                                       'அரசியல் முகவரி' இல்லாது
                                                        அவதிப்பட்ட நமது இனம்,
                                                        நிழல் பெற நாட்டினீர்கள்;
                                                        சின்னமாய் ஓர் ஆலமரம்!

                                                        வளம் தந்த மரத்தை
                                                        பிளந்தீர்கள்; நாலைந்தாய்!
                                                        அடிமரம் ஆருக்கென்று
                                                        அடிபிடிப்பட்டீர்கள்!

                                                        இன்று நீங்கள் 

                                                        அரச மரநிழலிலே
                                                        அமைச்சராய்  நிற்கிறீர்கள்!
                                                        ஆளும் வர்க்கத்தோடு
                                                        அண்டி இருந்து கொண்டு -
                                                       'வண்டி' வளர்க்கின்றீர்கள்!!

                                                       'அதிகாரப் பகிர்வு'
                                                        என்ற போதெல்லாம்
                                                        போராடி நின்றவரிடம்
                                                        சரிபாதி கேட்டு
                                                        சண்டித்தனம் காட்டினீர்கள்!

                                                       "தமிழ்மொழி நமக்கும்
                                                        தாய்மொழி" என்றீர்கள்;
                                                        தாயின் உரிமைக்காய்
                                                        சேய்கள் நீங்கள்
                                                        செய்தவை என்ன?

                                                        சிங்கத்தின் வாலாய் நின்று
                                                        வடக்கையும் கிழக்கையும்
                                                        வெட்டிப் பிளக்க
                                                        வாளேந்தி வந்தீர்கள்!

                                                         இத்தனையும் போதாதென்று
                                                         பேரினவாதத் தலைவர்களின்
                                                         தேர்தல் குதிரைகளிலே
                                                         தெருத் தெருவாய் யெங்கும்
                                                         சவாரி வருகிறீர்கள்!

                                                         கடந்த காலங்களில்
                                                         நடந்தவை யெல்லாம்
                                                         பொய் என்பீர்கள்!

                                                         எதிர்கால வாக்குறுதிகளில்
                                                         நம்பிக்கை வையுங்கள்;
                                                         என்று இனிக்கப் பேசுவீர்கள்!

                                                         ஏமாற்றங்களைச் சுமந்து
                                                         உதிர்ந்து போன இலைகள் நாங்கள்;
                                                         காய்ந்து சருகாகி
                                                         மனங் கசந்து போய்
                                                         நிற்கிறோம்; போங்கள்!!
 

     

                                                  * * *
 
     

நிறைவாழ்வு தரும் புனித ரமழானே!

நன்மையே நல்கிடும் சுரங்கமாக
நரகினையே மூடிடும் பெருங்கதவாக;
உண்மையே உணர்த்திடும் நன்மதியாக
உலகில் உதித்திடுவாயே புனித ரமழானே!

குறையேயிலா மறைதந்த மாதமாக - மன
கறை நீக்கியே இறையருள் துலக்கவே
நிறைவாழ்வு தந்து நிம்மதி நிலை கொள்ளவே
நிலவுலகிலே நீ வருவாய் எமது மனம் மகிழவே!

நமையாண்ட புலன்களைளெல்லாம் - நன்றே
நாமாள நோன்பினை நன்கொடையாய் தந்தே

தீமைகள் எரித்து மேலும் நன்மைகள் பெருகவே
தீஞ்சுவை யமுதாய் தோன்றிடுவாயே ரமழானே!

இச்சைகளுக்கு இறுக்கமாக - இரும்பு விலங்கிட்டே
இருகண்ணும் காதும் கரங்களும் - நமது நாவுமே
நிச்சயமாகவே இறையாணை என்றும் பேணவே
நற்செய்திகள் கூறியே ஆண்டுதோறும் வருவாயே!

இரக்க மற்ற அரக்க மனம் கொண்டு வாழ்வோருக்கும்
ஈகையின் மேன்மையினை எடுத்தியம்பியே - நாளும்
கரைந்திடும் காலத்தின் நிலையாமை - அவர் அறிந்திடவே
கரையிலா நெடுவானில் சென்றே மறைந்திடுவாயே!

                               * * *

பாவக்கறை போக்கும் குர்ஆன் மாதமே.............!

                                                      மாதங்களில் மகத்துவம்
                                                      சொரிய வந்த ரமழானே!

                                                      பூத்திருக்கிறது, முகங்களில்
                                                      மகிழ்ச்சிப் பூக்கள்;
                                                      காத்திருந்தோம்,
                                                      உனது வருகைக்காக!

                                                      இம்மை  - மறுமை
                                                      ஈருலக வாழ்வுக்கும்
                                                      நேர்வழி காட்டும்
                                                      திருமறை ஈன்ற
                                                      அமுத சுரபியே!

                                                        நோன்பு எனும்
                                                        இன்பச் சிறையிருந்து
                                                        இறையருள் இரந்து
                                                        மாண்புடனே யாவரும்
                                                        மண்ணில் வாழ்ந்திடவே.....

                                                        மன இச்சைகளுக்கு
                                                        இறுக்கமாய் விலங்கிட்டு
                                                        பக்குவமாய் செயற்படவும்
                                                        பயிற்ச்சி யளிக்கும்
                                                        பணியாளனே,
                                                        புனித ரமழானே

                                                        கண்ணும் காதும் நாவும்
                                                        கடமையாய் எந்நாளும்
                                                        இறையாணை பேணவும்
                                                        துணையாய் நீ,
                                                        வருவாயே ரமழானே!

                                                          வல்ல இறையோனின்
                                                          திருப்தி ஒன்றையே
                                                          உள்ளம் கொண்டு
                                                          நோன்பிருந்தோரை....
                                                          உவப்போடு ஏற்று
                                                          வரவேற்கும் 'றையான்'
                                                          சொர்க்க வாயலின்
                                                          திறவுகோலாக வரும்
                                                          தீனின் மாதமே!

                                                          வெள்ளமாய் பெருகிவரும்
                                                          நன்மை யெல்லாம்
                                                          அள்ளிவரும் ரமழானே,

                                                           உளச் சுத்தியோடும்
                                                           பய பக்தியோடும்
                                                           எதிர்பார்த்து நின்றோம்;
                                                           இனிய ரமழானே!

                                                                  
                                                                        ***

வெந்நீராய் வடியும் மக்கள் கண்ணீர்!

           கடந்த 06ம் திகதி பொத்துவில் பிரதேசத்தில் உள்ள உலகப்பிரசித்திபெற்ற அருகம்குடாவில் மீன்கள் இறந்து கரையொதிங்கியது கண்டு மக்கள் பெரிதும் ஆச்சரியப்பட்டனர். நிலைமை பற்றி கேள்வியுற்றோர் மீன் வலையுடனும் பல பேர் 'பேக்' குடனும் படையெடுத்தனர். இந்நிலைக்கு என்ன காரணம் என விசாரித்ததில் "வினை விதைத்தவன் வினையறுப்பான்" என்ற பழமொழிக்கிணங்க பதில் கிடைத்தது.

படுவேகத்தில் மீன் பிடிக்கவந்த
'வெள்ளோட்ட மீனவர்கள்'

கடந்த இரு மாதங்களுக்கு முன்பு பெய்த மழை காரணமாக சில விவசாயிகளின் காணிகள் நீரில் முழ்கியது. இதனால் குறித்த விவசாயிகள் அருகம்குடா நீரை கடல் நோக்கி வெட்டிவிட்டனர். இதனால் குடா நீர் குன்றி விவசாயிகள் நன்மை பெற்றனர். (இப்போது தண்ணீரே இல்லாமல் விவசாயம் வாடி நிற்பதை மனதிற்கொள்க) பிறகுஇ ஏறத்தாள இரு மாதங்களாக மழைபொழியவில்லை. இதனால் அருகம்குடா நீரின் உப்புத்தன்மை சற்று கூடுதல் நிலையிலிருந்தது.

இரு மாதங்களுக்கு பின் பொழிந்த மழைஇ அருகம்குடா நீரில் ஒருவிதமான உப்புமாறுதல் நிலையை ஏற்படுத்தியதால் குடா நீரில் வாழும் உயிரினங்களுக்கு இந்நிலை பொருத்தமற்றதாக இருந்ததாலும் குடாவில் இருந்த உயிரினங்கள் இறக்கவேண்டிய நிலையேற்பட்டது.

ஒதுங்கிய மீன்களின் அணிவரிசை

செத்தமீன்களும் சாகத்துடிக்கும் மீன்களும் பொதுமக்களின் அடுப்பங்கரை சட்டிகளுக்கு இலவசமாக அழகுசேர்த்தது.

பின்,இரு நாட்களுக்குப்பின் கரையொதிங்கிய மீன்களின் துர்நாற்றம் காரணமாக பொலிஸார் மற்றும் பொதுமக்களின் உதவியினால் சுத்தம் செய்யப்பட்டது.

"ஒரு பக்கம் சோறு (நெல்)

 மறுபக்கம் கறி (மீன்) 

அழியும் நிலை; 

இறைவன் விதியின் வலிமை"